کچھ افراد کو سفر کے دوران سر چکرانےاور متلی کا سامنا کیوں ہوتا ہے؟ اس سے نجات دلانے والے آسان طریقے بھی جانیں

امریکی خلائی ایجنسی ناسا نے بھی اس معاملے پر ایک مضمون شائع کیا ہے۔

تو جب آپ کو اس عام مسئلے کا سامنا ہو تو جان لیں کہ یہ صدیوں سے لوگوں کو پریشان کر رہا ہے۔

سفر کے دوران اس مسئلے کو روکنے کے کئی طریقے ہیں۔

موشن سکنس کیا ہے؟

اگر آپ کو ہوائی جہاز، ٹرین، کشتی یا کار کے سفر کے دوران متلی یا چکر آتا ہے، تو اسے طب میں “موشن سکنس” کہا جاتا

اس کی وجہ کیا ہے؟
یہ ایک پراسرار بیماری ہے جس کی وجہ معلوم نہیں ہے، لیکن ایک بات واضح ہے: حرکت کی بیماری موشن سکنس اس وقت ہوتی ہے جب ہمارے حواس دماغ کو متضاد پیغامات بھیجتے ہیں۔

مثال کے طور پر، اگر آپ ایک جھولے پر بیٹھے ہیں جو اوپر اور نیچے حرکت کرتا ہے، تو ہماری آنکھیں ایک چیز کو دیکھتی ہیں، ہمارے پٹھے دوسری چیز کو دیکھتے ہیں، اور ہمارے اندرونی کان بالکل مختلف چیز کو محسوس کرتے ہیں

ہمارا دماغ ان متضاد سگنلز کو برداشت نہیں کرپاتا جس کا نتیجہ سر چکرانے یا متلی کی شکل میں نکلتا ہے۔

کانوں کا کیا کردار ہے؟
آپ کے اندرونی کان توازن کی حس کو کنٹرول کرنے میں مدد فراہم کرتے ہیں۔

اندرونی کانوں کا اپنا ایک نظام ہوتا ہے جسے vestibular سسٹم کہا جاتا ہے۔معدے کے ورم سے تحفظ فراہم کرنے والی 5 آسان عادات

یہ نظام دماغ کو تفصیلات فراہم کرتا ہے کہ ہمارے اردگرد کیا چل رہا ہے۔

اس نظام میں موجود سیال سر کی حرکت کے ساتھ متحرک ہوتا ہے جبکہ یہی نظام ہمارے دماغ کو بتاتا ہے کہ ہم کھڑے ہوئے ہیں یا لیٹے ہوئے ہیں۔

دماغ کا کردار
ہمارا دماغ تمام ڈیٹا کو جمع کرتا ہے اور انہیں اکٹھا کرکے ہمارے لیے قابل فہم بناتا ہے۔

مگر کئی بار دماغ حسوں کے سگنلز پر الجھن کا شکار ہو جاتا ہے۔

مثال کے طور پر طیارے میں سفر کے دوران ہمیں آگے بڑھنے کا احساس ہوتا ہے مگر آنکھیں بتاتی ہیں کہ آپ اپنی جگہ ساکت بیٹھے ہوئے ہیں۔

ایسا ہی بحری سفر میں بھی ہوتا ہے یعنی جب آپ جہاز پر ساکت کھڑے ہوتے ہیں مگر آپ کو لگتا ہے کہ آگے بڑھ رہے ہیں۔

دونوں کا نتیجہ موشن سکنس کی شکل میں نکلتا ہے۔

کس کو اس کا سامنا ہوتا ہے؟
ہر فرد کو موشن سکنس کا سامنا ہوسکتا ہے مگر یہ بچوں اور حاملہ خواتین میں زیادہ عام مسئلہ ہے۔

وہ نشانیاں جو دماغی تھکاوٹ کا اشارہ دیتی ہیں

علامات
موشن سکنس کے شکار افراد کے جسم سے ٹھنڈے پسینے خارج ہوسکتے ہیں اور ایسا بھی لگ سکتا ہے کہ انہیں اچھالا جا رہا ہے۔

سر چکرانا، لعاب دہن کی مقدار بڑھ جانا، کھانے کی اشتہا ختم ہونا اور جِلد کی رنگت زرد ہو جانا اس کی عام علامات ہیں۔

کچھ افراد کو سر درد، بہت زیادہ تھکاوٹ یا سانس لینے میں مشکلات کا سامنا بھی ہو سکتا ہے۔

بچنا کیسے ممکن ہے؟
امریکا کے سینٹرز فار ڈیزیز کنٹرول اینڈ پریوینشن (سی ڈی سی) کے مطابق چند عام طریقوں سے موشن سکنس کی شدت کو کم یا اس سے بچنا ممکن ہوسکتا ہے۔

امراض قلب کا اشارہ دینے والی ان 13 عام نشانیوں سے واقف ہیں؟

یہ طریقے درج ذیل ہیں۔

گاڑی یا بس کی اگلی نشست پر بیٹھنے کو ترجیح دیں۔

طیارے اور ٹرین میں کھڑکی کے ساتھ والی نشست کا انتخاب کریں۔

اگر ممکن ہو تو لیٹ کر آنکھیں بند کرلیں۔

پانی کی مناسب مقدار کا استعمال کریں جبکہ چائے یا کافی سے گریز کریں۔

ایڑی میں اکثر درد کا سامنا ہوتا ہے؟ تو اس کی وجہ جان لیں

سفر سے قبل زیادہ مقدار میں کھانے سے گریز کریں۔

تمباکو نوشی سے گریز کریں۔

مختلف سرگرمیوں جیسے موسیقی سن کر اپنے دھیان کو بھٹکائیں مگر مطالعہ کرنے کی کوشش نہ کریں۔

گہری سانسیں لے کر خود کو پرسکون کریں یا آنکھیں بند کرکے 100 سے الٹی گننا شروع کردیں۔

روزانہ چند منٹ اس کام کو کرنا عادت بناکر کینسر جیسے مرض سے خود کو بچانا ممکن

کسی ساکت چیز کی جانب دیکھیں یعنی گاڑی سے آسمان کی جانب دیکھنا شروع کردیں۔

پودینے کی مہک یا mint ٹافیوں کو سونگھنے سے بھی آرام مل سکتا ہے۔

نجات دلانے والے قدرتی ٹوٹکے
لونگ
لونگ جراثیم کش ہوتی ہے اور نظام ہاضمہ کے لیے مفید سمجھی جاتی ہے۔

انار کے وہ 12 فائدے جو اس پھل کا مزہ دوبالا کردیں گے

یہی وجہ ہے کہ اس کا استعمال گاڑی میں سفر کے دوران متلی کی روک تھام میں مددگار ثابت ہوتا ہے۔

اس مقصد کے لیے سفر کے دوران لونگ کو چبانے سے فوری ریلیف مل سکتا ہے۔

زیرہ
زیرہ بھی نظام ہاضمہ کے لیے مفید سمجھا جاتا ہے۔

اگر سفر کے دوران سر چکرانے یا متلی کا تجربہ ہوتا ہے تو زیرے کے سفوف کو پانی میں ملا کر پینے سے اس مسئلے سے بچنے میں مدد مل سکتی ہے۔

پودینہ
پودینہ بھی جراثیم کش ہوتا ہے اور نظام ہاضمہ کے لیے مفید ہوتا ہے۔

لیموں کا عرق
لیموں کا عرق بھی اس حوالے سے مددگار ثابت ہو سکتا ہے۔

لیموں کے عرق کو پانی میں ملا کر پینے سے سر چکرانے یا متلی سے بچنے میں مدد مل سکتی ہے۔

ادرک
اگر ادرک موجود ہے تو اس کی معمولی مقدار کو چبانے سے بھی فائدہ ہوسکتا ہے۔

الائچی
الائچی بھی نظام ہاضمہ کے لیے مفید ہوتی ہے اور اسے کھانے سے موشن سکنس کی شدت میں کمی آتی ہے۔

اگر آپ کو سفر کے دوران سر چکرانے یا متلی کا سامنا ہوتا ہے تو الائچی کو چبانے سے ریلیف مل سکتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں